ნუკრი ქანთარია - კულტურისა და განათლების სამინისტროების გაერთიანება იგივეა, რაც ტვინში რომ გული ჩავსვათ - ტვინი უნდა იყოს თავში, გული კი გულის ადგილზე

საპარლამენტო უმრავლესობის წევრი ნუკრი ქანთარია კულტურის სამინისტროს ხარჯზე სამინისტროების შემცირების წინააღმდეგია, - ამის შესახებ ქანთარიამ „ქართული ოცნების“ ოფისში პრემიერ-მინისტრსა და უმრავლესობის დეპუტატებს შორის შეხვედრის დაწყებამდე განაცხადა.

როგორც ქანთარიამ აღნიშნა, ეთანხმება სამინისტროების შემცირებულ რაოდენობას, ოღონდ არა კულტურის სამინისტროს ხარჯზე. „რაც მესმის, თითქოს არის ამაზე საუბარი. სასჯელაღსრულების სამინისტროსა და იუსტიციის სამინისტროს გაერთიანება უფრო ლოგიკური იქნება, ვიდრე კულტურისა და განათლების. ეს იგივეა, რაც ტვინში რომ გული ჩავსვათ. ტვინი უნდა იყოს თავში, გული კი გულის ადგილზე", - განაცხადა ქანთარიამ.

დეპუტატი მინისტრთა კაბინეტში ახალი სახეების გამოჩენაზე ამ ეტაპზე ვერ საუბრობს და აცხადებს, რომ ჯერ სტრუქტურული ცვლილებები უნდა განხორციელდეს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა