მექსიკაში 14 ადამიანი მოკლეს

მექსიკის ქალაქ ხუარესში მომხდარი სამი თავდასხმის შედეგად, 14 ადამიანი მოკლეს. აღნიშნული ქალაქი ცნობილია თავისი სისასტიკითა და ნარკობიზნესით.ამის შესახებ გამოცემა „news18.com“ იუწყება.

უსაფრთხოების ძალების თანამშრომელთა განცხადებით, ერთ-ერთი თავდასხმა ქალაქის სამხრეთ ნაწილში მოხდა, სადაც 8 მამაკაცი მექსიკისა და სამხრეთ კორეას შორის საფეხბურთო მატჩის საყურებლად შეიკრიბა. შეიარაღებულმა მამაკაცმა 6 პირი მოკლა, ორი კი მძიმედ დაჭრა. ქალაქის კიდევ ერთ ნაწილში, სადალაქოში ხუთ მამაკაცს ავტომანქანიდან გაუხსნეს ცეცხლი. ცოტა ხნით ადრე კი „ბოევიკებმა“ ქალაქის გარეუბანში სამი ადამიანი მოკლეს.

აღსანიშნავია, რომ მხოლოდ ივნისში, ამ ქალაქში 128 ადამიანია მოკლული.