ალექსანდრე ბარამიძემ იუსტიციის მინისტრის პირველი მოადგილის თანამდებობა დატოვა

ალექსანდრე ბარამიძე, რომელიც იუსტიციის მინისტრის პირველი მოადგილის თანამდებობას იკავებდა, სამინისტროდან წავიდა. მინისტრთა კაბინეტის დამტკიცების შემდეგ, მინისტრის მოადგილეები ხელახლა დაინიშნენ, თუმცა ბარამიძე მინისტრის პირველი მოადგილის თანამდებობაზე აღარ დანიშნულა. ის ამ პოსტზე მიხეილ სარჯველაძემ შეცვალა.

როგორც მიხეილ სარჯველაძემ “ინტერპრესნიუსს“ განუცხადა, ბარამიძე იუსტიციის სამინისტროს სისტემიდან წავიდა, რაც პირადად მისი და მინისტრის ორმხრივი გადაწყვეტილებით მოხდა.