დეველოპერული კომპანია „სვეტის“ მიერ დაზარალებული მენაშენეები, დღეს თბილისის მერს კახა კალაძეს შეხვდებიან. როგორც „ინტერპრესნიუსს“ თბილისის მერიაში განუცხადეს, ჯერჯერობით შეხვედრის ზუსტი დრო არაა ცნობილი.
კომპანია „სვეტის“ მენაშენეები უკვე რამდენიმე დღეა აქციას მართავენ და შიმშილობენ. მათ ქალაქის მერთან შეხვედრა მოითხოვეს, რაზეც კახა კალაძემ მზადყოფნა გამოთქვა.
შეგახსენებთ, რომ თბილისის მერიამ დეველოპერული კომპანია „სვეტის“ კომპლექსის მშენებლობა მიმდინარე წლის თებერვალში შეაჩერა. როგორც მერიაში აცხადებდნენ, მირცხულავას ქუჩაზე კორპუსების მშენებლობა შესაბამისი ნებართვის არარსებობის გამო შეჩერდა; ჭყონდიდელის ქუჩაზე კი, მშენებლობის შეჩერების მიზეზი პროექტთან შეუსაბამობა იყო.