ტყიბული-ქუთაისის საავტომობილო მაგისტრალზე, სოფელ სამტრედიაში გუშინ ავტოსაგზაო შემთხვევა მოხდა. თვითმხილველების განცხადებით, ავტომანქანა, რომელშიც რამდენიმე ადამიანი იმყოფებოდა, ხეს შეეჯახა, რის შედეგადაც 3 ადამიანი დაშავდა, მათგან ერთი არასრულწლოვანია.

დაშავებულები სასწრაფო სამედიცინო დახმარების ბრიგადებმა ტყიბულის საავადმყოფოში გადაიყვანეს, სადაც მათ პირველადი დახმარება აღმოუჩინეს, მოგვიანებით კი რეანიმობილებით ქუთაისის საავადმყოფოებში გადაიყვანეს. ერთ-ერთი დაშავებულის მდგომარეობა შედარებით მძიმეა.

შინაგან საქმეთა სამინისტროს ინფორმაციით, მომხდართან დაკავშირებით გამოძიება 276-ე მუხლის 1-ელი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.