საფრანგეთში 10 პირი დააკავეს, რომლებიც სავარაუდოდ, მუსლიმებზე თავდასხმებს გეგმავდნენ. ამის შესახებ ინფორმაციას საინფორმაციო სააგენტო „ფრანს-პრესი“ ავრცელებს.

არსებული ინფორმაციით, დაკავებულები ულტრამემარჯვენე რადიკალებთან არიან დაკავშირებული.

როგორც „ფრანს-პრესი“ აღნიშნავს, პოლიციამ დაკავების ოპერაცია ჯერ კიდევ 23 ივნისს ჩაატარა, მათ შორის კორსიკაზეც. დაკავებულების ადგილსამყოფელის ჩხრეკისას პოლიციამ იარაღიც ამოიღო.

ამ ეტაპზე გამოძიება ადგენს თუ რამდენად შორს წავიდნენ დაკავებულები თავიანთი გეგმების განხორციელებაში. გამოძიება მიიჩნევს, რომ დაკავებული პირები თავდასხმების განხორციელებას აპირებდნენ რადიკალურად განწყობილ იმამებზე და ციხიდან გამოსულ ისლამისტებზე.