ნიგერიაში ერთ-ერთ სოფელზე თავდასხმის შედეგად 86 ადამიანი მოკლეს. ამის შესახებ ინფორმაციას საინფორმაციო სააგენტო „ფრანს-პრესი“ ავრცელებს.

ნიგერიის პოლიცია ვარაუდობს, რომ აღნიშნული თავდასხმის უკან ფულბეს მომთაბარე მესაქონლეების ტომი დგას.

86 მოკლული ნიგერიის ცენტრალურ რეგიონში, ბარიკინი ლადიში აღმოაჩინეს. რამდენიმე დღის წინ სოფლის მცხოვრებლებსა და მომთაბარეებს შორის კონფლიქტი წარმოიშვა, რაც ძალადობით დასრულდა. გარდა ამისა, სოფელში ხანძარი გაჩნდა, რის შედეგადაც 50 სახლი დაიწვა.

აღნიშნულთან დაკავშირებით, რეგიონში კომენდანტის საათია შემოღებული.

ნიგერიაში მიწისა და რესურსებისთვის სხვადასხვა ეთნიკურ და რელიგიურ ჯგუფებს შორის კონფლიქტი ათწლეულების განმავლობაში გრძელდება.