ფედერიკა მოგერინი – ევროკავშირი და ნატო თავდაცვის სფეროში ერთობლივ თანამშრომლობას გააძლიერებენ

ევროკავშირი და ნატო თავდაცვის სფეროში ერთობლივ თანამშრომლობას გააძლიერებენ, - ამის შესახებ ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში ფედერიკა მოგერინიმ ევროკავშირის საბჭოს სხდომის დაწყებამდე განაცხადა.

„ჩვენ გავაძლიერებთ ნატო-სთან თანამშრომლობას. ნატო-ს გენერალური მდივანი იენს სტოლტენბერგი მონაწილეობას მიიღებს ევროკავშირის საგარეო საქმეთა და თავდაცვის მინისტრების სხდომაში. გარდა ამისა, საგარეო საქმეთა და თავდაცვის მინისტრები თავდაცვისა და უსაფრთხოების სფეროებში ევროკავშირის ღონისძიებათა პაკეტის განხორციელებას განიხილავენ“, - აღნიშნა ფედერიკა მოგერინიმ.

მისივე თქმით, ამ მიმართულებით აქტიური მუშაობა მიმდინარეობს, რათა ეს პაკეტი განხორციელდეს.

ლუქსემბურგში ევროკავშირის საგარეო საქმეთა და თავდაცვის მინისტრების გეგმური შეხვედრა მიმდინარეობს, რომლის დღის წესრიგში უსაფრთხოების საკითხები შედის.