ევროკავშირის ექვსი ქვეყანა კიბერსაფრთხეებზე სწრაფი რეაგირების ძალების შექმნაზე შეთანხმებას მოაწერს ხელს

ევროკავშირის ექვსი ქვეყანა კიბერსაფრთხეებზე სწრაფი რეაგირების ძალების შექმნაზე შეთანხმებას ხელს მოაწერს, - ამის შესახებ ლუქსემბურგში ევროკავშირის საბჭოს სხდომის დაწყებამდე ლიეტუვას თავდაცვის მინისტრმა რაიმუნდას კარობლისმა განაცხადა.

„ჩვენ ხელს ვაწერთ შეთანხმებას კიბერსაფრთხეებზე სწრაფი რეაგირების ძალების შექმნის თაობაზე. ამ შეთანხმებას ხელს აწერენ: ესტონეთი, ხორვატია, რუმინეთი, ლიეტუვა, ესპანეთი და ჰოლანდია“, - განაცხადა ლიეტუვას თავდაცვის მინისტრმა.

მისივე თქმით, პროექტში ევროკავშირის რამდენიმე სხვა წევრი ქვეყანა მონაწილეობს, რომლებიც ხელს არ აწერენ შეთანხმებას პროცედურული საკითხების გამო.

აღნიშნული პროექტი 2017 წელს მუდმივი სტრუქტურული თანამშრომლობის (PESCO) ევროპული პროგრამის ფარგლებში იყო დამტკიცებული და მისი კოორდინირების საკითხი ლიეტუვას ეკისრება.

პროექტის ფარგლებში გათვალისწინებულია ურთიერთდახმარების მექანიზმების შექმნა და კიბერსფეროში ინციდენტების თავიდან აცილების ინსტრუმენტების შემუშავება.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 19.08.2019
გავლენის ოპერაციები ანუ „მკვლელობათა ჯაჭვი“