კობა გვენეტაძემ საერთაშორისო ანგარიშსწორებათა ბანკის 88-ე წლიურ შეხვედრებში მიიღო მონაწილეობა

ეროვნული ბანკის პრეზიდენტმა კობა გვენეტაძემ 23-24 ივნისს შვეიცარიის ქალაქ ბაზელში გამართულ საერთაშორისო ანგარიშსწორებათა ბანკის 88-ე წლიურ შეხვედრებში მიიღო მონაწილეობა, - ამის შესახებ „ინტერპრესნიუსს“ ეროვნული ბანკიდან აცნობეს.

მათი ინფორმაციით, საერთაშორისო ანგარიშსწორებათა ბანკი ცენტრალური ბანკების ბანკს წარმოადგენს, სადაც წლიური შეხვედრების დროს ცენტრალური ბანკის მმართველები გასული პერიოდის მოვლენებს აანალიზებენ და მონეტარული პოლიტიკისა და საბანკო ზედამხედველობის მიმართულებით არსებულ გამოწვევებს განიხილავენ.

როგორც ინფორმაციაშია აღნიშნული, საქართველოს ეროვნული ბანკი 2014 წლიდან ბაზელის საბანკო ზედამხედველობის კომიტეტის საკონსულტაციო ჯგუფის წევრია. კობა გვენეტაძის თქმით, წლიური შეხვედრების ძირითადი თემა 2008-2009 წლების ფინანსური კრიზისის შემდგომ, საბანკო ზედამხედველობის სფეროში განხორციელებული რეფორმები იყო. შეხვედრების მონაწილეთა აზრით, ბაზელ III-ის ჩარჩოს განხორციელებამ საბანკო ზედამხედველობის მრავალი მიმართულება მოიცვა.

„ჩარჩოს დანერგვა ცენტრალურ ბანკებს დაეხმარება, გააუმჯობესონ საბანკო სისტემის მდგრადობა და მას უფრო მომზადებულს გახდის მომავალ გამოწვევების მიმართ. ამ ეტაპზე მსოფლიო ეკონომიკა აღმავლობის გზაზეა, რაც სტრუქტურული რეფორმების განხორციელებისათვის ყველაზე კარგი დროა მიუხედავად იმისა, რომ ამერიკის შეერთებულ შტატებში მიმდინარე მონეტარული პოლიტიკის ნორმალიზაცია განვითარებადი ბაზრებიდან ფინანსური ნაკადების გადინების საფრთხეს ქმნის,“ - ნათქვამია ეროვნული ბანკის ინფორმაციაში.

შეხვედრებზე ასევე განიხილეს კრიპტო ვალუტებთან დაკავშირებული საკითხები. შეხვედრის ფარგლებში, ქვეყნის რეალურ ეკონომიკაზე ფინანსური კრიზისის გავლენაზე სპეციალური მოხსენება ამერიკის შეერთებული შტატების ფედერალური რეზერვების ცენტრალური ბანკის ყოფილმა თავმჯდომარემ, ბენ ბერნანკემ გააკეთა.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს