საქართველოს ელჩმა ინდონეზიაში ტიმორ ლესტეს დემოკრატიული რესპუბლიკის პრეზიდენტს რწმუნებათა სიგელები გადასცა

საქართველოს საგანგებო და სრულუფლებიანმა ელჩმა ინდონეზიაში, ირაკლი ასაშვილმა რწმუნებათა სიგელები გადასცა ტიმორ ლესტეს დემოკრატიული რესპუბლიკის პრეზიდენტს ფრანცისკო გუტერეს ლუ ოლოს, - ამის შესახებ “ინტერპრესნიუსს“ საგარეო საქმეთა სამინისტროდან აცნობეს.

მათი ინფორმაციით, ოფიციალური ცერემონიალის დასრულების შემდეგ პრეზიდენტისა და ელჩის ორმხრივი შეხვედრა გაიმართა. შეხვედრის ფარგლებში, ირაკლი ასაშვილმა ხაზი გაუსვა სამხრეთ აღმოსავლეთ აზიის რეგიონთან და პორტუგალიურენოვანი ქვეყნების თანამეგობრობასთან ურთიერთობების გაღრმავების მნიშვნელობას. მან მზაობა გამოხატა, რომ ელჩის რანგში ხელი შეუწყოს ორმხრივი თანამშრომლობის შემდგომ განვითარებას.

თავის მხრივ, ტიმორ ლესტეს პრეზიდენტმა განაცხადა, რომ მოხარულია საქართველოსა და ტიმორ ლესტეს შორის მეგობრული და პარტნიორული ურთიერთობების განვითარებით.

საგარეო უწყების ცნობით, პრეზიდენტმა საქართველოს ელჩს ტიმორ ლესტეში წარმატებული მოღვაწეობა უსურვა.

ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
ქართული პრესის მიმოხილვა 23.01.2020
ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
გათამაშდა 1 მილიონ 182 454 ლარი - იძებნება მოგებული!
თეგეტა მოტორსმა 2019 წელი ავტოინდუსტრიის ბაზრის ლიდერის სტატუსით დახურა
სილქნეტმა გლობალურ საკომუნიკაციო კომპანია OneWeb-თან თანამშრომლობის მემორანდუმს მოაწერა ხელი
გეოგრაფიკი და კოლიერსი აბასთუმნის განვითარების პროექტის შესახებ