ფედერიკა მოგერინი - ევროკომისიის რეკომენდაციაა, რომ ევროკავშირში გაწევრიანების თაობაზე მაკედონიასა და ალბანეთთან მოლაპარაკებები დაიწყოს

ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში ფედერიკა მოგერინიმ დაადასტურა, რომ ევროკომისია რეკომენდაციას იძლევა, მაკედონიასა და ალბანეთთან ევროკავშირში გაწევრიანების თაობაზე მოლაპარაკებები დაიწყოს.

ფედერიკა მოგერინიმ იმედი გამოთქვა, რომ ევროკავშირის წევრი სახელმწიფოები შესაბამის გადაწყვეტილებას მიიღებენ.

„ევროკომისიის რეკომენდაცია ის არის, რომ მოლაპარაკებები დაიწყოს სკოპიესა და ტირანასთან. ვიმედოვნებ, რომ ევროკავშირის წევრი ქვეყნები სწორ გადაწყვეტილებას მიიღებენ. ჩვენ შესანიშნავ პროგრესს ვხედავთ ბალკანეთის რეგიონში“, - აღნიშნა ფედერიკა მოგერინიმ.

აქამდე რამდენიმე მედიასაშუალებაში ინფორმაცია გავრცელდა, რომ ჰოლანდია, შესაძლოა წინააღმდეგ იყოს ალბანეთთან ევროკავშირში გაწევრიანების შესახებ მოლაპარაკებების დაწყებაზე. აღნიშნულ საკითხთან დაკავშირებით პოლიტიკური გადაწყვეტილება, შესაძლოა, ევროკავშირის სამიტზე მიიღონ, რომელიც 28-29 ივნისს გაიმართება.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში