საქართველოს პრემიერ-მინისტრის, მამუკა ბახტაძის განცხადებით, აჭარაში ინფრასტრუქტურის განვითარების კუთხით გარკვეული ღონისძიებებია გასატარებელი.

ჟურნალისტების კითხვაზე, მოსალოდნელი არის თუ არა აჭარაში სამთავრობო ცვლილებები, პრემიერ-მინისტრს კონკრეტული განცხადება არ გაუკეთებია, თუმცა განმარტა, რომ არსებობს რიგი საკითხები, რომელიც მოგვარებას საჭიროებს.

„ჩვენთვის ეკონომიკური აქტივობები და რეფორმები, რაც უნდა განვახორციელოთ აჭარაში, სასიცოცხლო მნიშვნელობისაა. აჭარა არის საქართველოს ეკონომიკის მამოძრავებელი ძალა და მისი ლოკომოტივი. აქედან გამომდინარე, ჩვენ ყველაზე მეტად უნდა ვხედავდეთ დინამიურ პროცესებს, სწორედ ამ ჩვენს ულამაზეს კუთხეში. აჭარა ტურისტულ სეზონს კარგად ხვდება, თუმცა არსებობს გარკვეული საკითხები, რომლებიც უმოკლეს ვადაში მოითხოვს გამოსწორებას, ამის შესახებ დავალებები გაცემულია. დავალებები ეხება იმ საკითხებს, რომლებიც საჭიროებს უმოკლეს დროში გადაჭრას, მათ შორის ინფრასტრუქტურის ნაწილში“, - განაცხადა მამუკა ბახტაძემ.