ხვალ გახდება ცნობილი, რამდენი პირისგან შედგება ე.წ. ოთხოზორია-ტატუნაშვილის სია

საქართველოს მთავრობა ე.წ. ოთხოზორია-ტატუნაშვილის სიასთან დაკავშირებულ საკითხს ხვალინდელ სხდომაზე განიხილავს. შესაბამისად, ხვალ გახდება ცნობილი, რამდენი ადამიანი შედის აღნიშნულ სიაში. როგორც ხელისუფლების წარმომადგენლები აანონსებენ, მასში მოხვდნენ, როგორც ენგურის ხიდთან მოკლული გიგა ოთხოზორიას, ისე ცხინვალში მოკლული არჩილ ტატუნაშვილის საქმეში მსჯავრდებული და ბრალდებული პირები.

მთავრობის სხდომაზე სიის დამტკიცების შემდეგ ის უკვე საქართველოს პარლამენტს გადაეგზავნება.

როგორც ცნობილია, პარლამენტმა მთავრობას "ოთხოზორია-ტატუნაშვილის სიის" შედგენისა და მასში შემავალი პირებისთვის სანქციების დაწესებისკენ რამდენიმე თვის წინ, სპეციალური რეზოლუციით მოუწოდა.

შეგახსენებთ იმასაც, რომ საქართველოს მთავრობა ახალი პრემიერ-მინისტრის, მამუკა ბახტაძის ხელმძღვანელობით ხვალ პირველ სხდომას გამართავს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს