ქსელის გეგმური სარეაბილიტაციო სამუშაოების გამო, 26 ივნისს „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება. როგორც „ინტერპრესნიუსს“ „ენერგო პრო ჯორჯიადან“ აცნობეს, 05:00 საათიდან 08:00 საათამდე ელექტროენერგიის მიწოდება შეეზღუდება სოფელი ძეგვისა და მცხეთის ქუჩების - არმაზის, არსუკიძის, გამსახურდიას, ჭავჭავაძის და მიმდებარედ -2 517 აბონენტს.
09:00 საათიდან 18:00 საათამდე ელექტრომომარაგება შეეზღუდება მცხეთის რაიონის სოფლების - წეროვანი, ნატახტარი, მუხრანი, ჩარდახი და მიმდებარედ - 1 353 აბონენტს.
13:00 საათიდან 18:00 საათამდე ელექტრომომარაგება შეეზღუდება დუშეთის რაიონის სოფლების - ახალშენი, ქვიტკირის წყარო, წიწამურა, ქისიანი და მიმდებარედ - 920 აბონენტს.
„ენერგო პრო ჯორჯიას“ ინფორმაციით, სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.