რესტორანმა Red Hen-მა მეტი ყურადღება უნდა მიაქციოს თავისი ჭუჭყიანი ფარდულების, კარებისა და ფანჯრების გაწმენდას და არა უარის თქმას ისეთი შესანიშნავი ადამიანის მომსახურებაზე, როგორიც არის სარა სანდერსი, - ასე გამოეხმაურა აშშ-ს პრეზიდენტი დონალდ ტრამპი რესტორან Red Hen-ის მეპატრონეების მიერ მის პრესმდივან სარა სანდერსისთვის მომსახურებაზე უარის თქმას და რესტორნის დატოვების მოთხოვნას.
„მე ყოველთვის მქონდა ერთი წესი: თუ რესტორანი გარედან ჭუჭყიანია, ის შიგნითაც ჭუჭყიანი იქნება“, - განაცხადა დონალდ ტრამპმა.
23 ივნისს აშშ-ს პრეზიდენტის პრესმდივანმა „ტვიტერის“ საკუთარ გვერდზე დაწერა, რომ მას რესტორან Red Hen-ის მეპატრონეებმა რესტორნის დატოვება იმ მიზეზის გამო მოთხოვეს, რომ ის დონალდ ტრამპთან მუშაობს.