საქართველოში, შესაძლოა პირველი ჩინურ-ქართული ფილმი გადაიღონ

საქართველოში, შესაძლოა პირველი ჩინურ-ქართული ფილმი გადაიღონ. როგორც ეროვნული კინოცენტრის საერთაშორისო ურთიერთობების დეპარტამენტის უფროსმა დავით ვაშაძემ „ინტერპრესნიუსთან“ საუბრისას განაცხადა, გადაღებების 80% პროცენტი საქართველოში იქნება. დავით ვაშაძე ამ ეტაპზე კონკრეტულად ვერ საუბრობს, თუ რა იქნება ქართული მხარის ჩართულობა ფილმში, თუმცა, იგეგმება ქართველი რეჟისორებისთვის შეთავაზება.

„ეს ფილმი არის ადამიანზე, რომელიც მეცხრამეტე საუკუნის ბოლოს საქართველოში ჩამოიყვანეს, რათა ჩაის კულტურა გაეშენებინა. ის ჩამოიყვანეს ბათუმში, დაათვალიერა ყველაფერი და ასე შემოვიდა ჩაის კულტურა ჩვენთან. ჯერ სცენარი დამუშავების პროცესშია. ამ კაცის შთამომავლები აქაც ცხოვრობენ და ჩინეთშიც. ფილმის ერთ-ერთი მთავარი პროდიუსერია ფილმის მთავარი გმირის შთამომავლის ცოლი“, - განაცხადა ვაშაძემ.

მისივე თქმით, ფილმის ბიუჯეტი დაახლოებით 5 მილიონ დოლარზე მეტი იქნება.

„საკმაოდ დიდ ბიუჯეტიანი ფილმი იქნება, რადგან დროის აღდგენა მოხდება. დაახლოებით 5 მილიონ დოლარზე მეტი უნდა იყოს ბიუჯეტი. მთავარი დადებითი მხარე ისაა, რომ ჩინეთის ბაზარზე გავა, როგორც ჩინური ფილმი. შესაბამისად, ეს მისცემს შესაძლებლობას, რომ ჩინეთში ასობით მილიონმა მაყურებელმა ნახოს. გადაღებების 80% იქნება აჭარაში, ჩაქვის გარშემო, რადგან ჩაქვში დაუწყია მას ჩაის პლანტაციების გაშენება“, - განაცხადა ვაშაძემ.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
„ვისოლში“, „სმარტში“, „ვენდისსა“ და „დანკინში“ Apple Pay-ის გამოყენებით VISA ბარათებით გადახდისას მომხმარებლებს საჩუქრები ელით
"რომპეტროლის" ნავთობგადამამუშავებელმა ქარხანამ „პეტრომიდიამ“ 40 წლის იუბილე აღნიშნა