გიორგი მიქაუტაძე - ძალიან ღირსეული მოსამართლეები გამწესდნენ უვადოდ

იუსტიციის უმაღლესი საბჭოს მდივნის, გიორგი მიქაუტაძის განცხადებით, შვიდივე კანდიდატი, რომლებიც უვადო მოსამართლის თანამდებობაზე გამწესდნენ, ღირსეული კანდიდატები არიან. მისივე შეფასებით, სწორედ ღირსებისა და კომპეტენციიდან გამომდინარე მიიღო იუსტიციის უმაღლესმა საბჭომ შესაბამისი გადაწყვეტილება და 7 მოსამართლე უვადოდ გაამწესა.

"იუსტიციის უმაღლეს საბჭოში კენჭისყრა გაიმართა და სამწლიანი გამოსაცდელი ვადით დანიშნული შვიდი მოსამართლე უვადოდ გამწესდა თავისივე თანამდებობაზე. ვულოცავ ჩემს კოლეგებს ამ წარმატებას. ვფიქრობ, რომ ძალიან ღირსეული მოსამართლეები გამწესდნენ უვადოდ. ჩვენ გვქონდა შეფასებები, როგორც ამას კანონი მოითხოვს. ყველა მათგანს ჰქონდა ძალიან დადებითი შეფასებები. უმაღლესი ქულებით იუსტიციის უმაღლესმა საბჭომაც შესაბამისი გადაწყვეტილება მიიღო", - განაცხადა მიქაუტაძემ.

გარდა ამისა, იუსტიციის უმაღლესი საბჭოს მდივანი გამოეხმაურა საბჭოს არამოსამართლე წევრის ანა დოლიძის განცხადებას, რომლის მიხედვით, სასამართლო სისტემა იმდენად დახურულია, რომ კარგ იურისტს, ადვოკატს, პროკურორს და მეცნიერს ამ სისტემაში მოხვედრის ძალიან მწირი შანსი აქვს.

გიორგი მიქაუტაძის განცხადებით, სასამართლო კორპუსის განახლება მუდმივად მიმდინარეობს და დოლიძის განცხადებას არ ეთანხმება.

"ყველას აქვს თანაბარი შესაძლებლობა, რომ გამწესდეს და დაიკავოს მოსამართლის თანამდებობა", - განაცხადა მიქაუტაძემ.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს