საგარეო საქმეთა მინისტრმა და ლიეტუვის რესპუბლიკის ელჩმა ორ ქვეყანას შორის ურთიერთობები განიხილეს

საგარეო საქმეთა მინისტრმა დავით ზალკალიანმა საქართველოში ლიეტუვის რესპუბლიკის საგანგებო და სრულუფლებიან ელჩთან გიედრიუს პუოჯუნასთან შეხვედრა გამართა.

როგორც „ინტერპრესნიუსს“ საგარეო საქმეთა სამინისტროს პრესსამსახურიდან აცნობეს, შეხვედრაზე ხაზი გაესვა ორ ქვეყანას შორის არსებულ განსაკუთრებულ მეგობრულ ურთიერთობებს. დავით ზალკალიანმა აღნიშნა ლიეტუვის გამორჩეული როლი საქართველოს ევროპული და ევრო-ატლანტიკური ინტეგრაციის პროცესში, ასევე, ქვეყნის სუვერენიტეტისა და ტერიტორიული მთლიანობის დაცვის მიმართულებით.

შეხვედრაზე განიხილეს დღის წესრიგში არსებული აქტუალური საკითხები, მათ შორის, ისაუბრეს მაღალი დონის ვიზიტების გაცვლის შესახებ. ყურადღება გამახვილდა მოახლოებულ ნატო-ს სამიტსა და მის მოსამზადებელ სამუშაოებზე.

მინისტრმა და ელჩმა დაადასტურეს თავიანთი მზაობა, აქტიურად ითანამშრომლონ ორ ქვეყანას შორის ურთიერთობების კიდევ უფრო გაღრმავების მიზნით.

ირაკლი მელაშვილი - საქართველო ადგილობრივი ორგანოების საბჭოურ სისტემაშია ჩარჩენილი, გამოდის რომ ჩვენ არა ევროპისკენ, არამედ აზიური ავტორიტარიზმისკენ მივდივართ
ქართული პრესის მიმოხილვა 05.08.2021
ბაკურ კვაშილავა - 19 აპრილის შეთანხმებიდან მმართველი გუნდის გამოსვლა არ ნიშნავს იმას, რომ იგი არ არსებობს - თუ მათ ხმების 43% ვერ მიიღეს, „ქართულ ოცნებას“ მოუწევს ვადამდელი არჩევნების დანიშვნა
"გრინ კაპიტალი" და საოპერაციო კომპანია "ფრონტერა ისტერნ ჯორჯია" აშშ-ის ელჩს და დიპლომატიურ კორპუსს მიმართავს, დავის მშვიდობიანად დასრულებისთვის საქართველოს მთავრობასთან  უშუამდგომლონ  (R)
„PSP ფარმა“ „საქსტატმა“ საუკეთესო პარტნიორად დაასახელა
Bolt Food უკვე ბათუმშია
“გრინ კაპიტალისა“ და ზაზა მამულაიშვილის მიერ გაკეთებული განცხადება მიზნად ისახავს საზოგადოების შეცდომაში შეყვანას
"ფრონტერა რისორსის ჯორჯია კორპორეიშენის" გენერალური დირექტორი განცხადებას ავრცელებს