დღეს გახდება ცნობილი, რამდენი პირისგან შედგება ე.წ. ოთხოზორია-ტატუნაშვილის სია

საქართველოს მთავრობა ე.წ. ოთხოზორია-ტატუნაშვილის სიასთან დაკავშირებულ საკითხს დღევანდელ სხდომაზე განიხილავს. შესაბამისად, დღეს გახდება ცნობილი, რამდენი ადამიანი შედის აღნიშნულ სიაში. როგორც ხელისუფლების წარმომადგენლები აანონსებენ, მასში მოხვდნენ, როგორც ენგურის ხიდთან მოკლული გიგა ოთხოზორიას, ისე ცხინვალში მოკლული არჩილ ტატუნაშვილის საქმეში მსჯავრდებული და ბრალდებული პირები.

მთავრობის სხდომაზე სიის დამტკიცების შემდეგ ის უკვე საქართველოს პარლამენტს გადაეგზავნება.

როგორც ცნობილია, პარლამენტმა მთავრობას "ოთხოზორია-ტატუნაშვილის სიის" შედგენისა და მასში შემავალი პირებისთვის სანქციების დაწესებისკენ რამდენიმე თვის წინ, სპეციალური რეზოლუციით მოუწოდა.

საქართველოს მთავრობა ახალი პრემიერ-მინისტრის, მამუკა ბახტაძის ხელმძღვანელობით დღეს პირველ სხდომას გამართავს.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 19.08.2019
გავლენის ოპერაციები ანუ „მკვლელობათა ჯაჭვი“