მეზობლების ინფორმაციით, ირაკლი ნოზაძე სავარაუდოდ გოგომ დაჭრა

თვითმხილველების ინფორმაციით, მომღერალი ირაკლი ნოზაძე სავარაუდოდ გოგომ დაჭრა. როგორც წერეთლის გამზირზე მცხოვრებლები ყვებიან, მომღერალს საცხოვრებელი სახლიდან ჩამოსვლას ორი გოგო სთხოვდა. მათივე ინფორმაციით, ნოზაძე სახლიდან ჩამოვიდა და მანქანაში ჩაუჯდა აღნიშნულ გოგოებს, რამდენიმე წამში კი სისხლიანი გადმოვიდა და შველას ითხოვდა.

„მანქანით მოვიდა ორი გოგო და ელოდებოდა. უყვიროდნენ უხამსი სიტყვებით - ჩამოდიო პიკასოო. დავინახე, რომ ირაკლი ჩამოვიდა და ჩაჯდა მანქანაში. მერე წამებში გადმოხტა და გამოიქცა ყვირილით - „სისხლად ვიცლები, მიშველეთო“. ირაკლი რომ გადმოვიდა მანქანიდან, ისინი წავიდნენ“, - აცხადებს ირაკლი ნოზაძის მეზობელი.

ჯგუფ "ქუჩის ბიჭების" წევრი, მომღერალი ირაკლი ნოზაძე გუშინ საღამოს, წერეთლის გამზირზე, მესამე კორპუსთან დაჭრეს. ის ღუდუშაურის კლინიკაში კრიტიკულ მდგომარეობაში შეიყვანეს. დაჭრილს გადაუდებელი ოპერაცია ჩაუტარდა და მისი მდგომარეობა ამჟამად სტაბილურია.