ევროკავშირში თურქეთის პრეზიდენტთან და პარლამენტთან თანამშრომლობის მზადყოფნის შესახებ განაცხადეს. ამაზე საუბარია საგარეო ურთიერთობათა საკითხებში ევროკავშირის უმაღლესი კომისრის, ფედერიკა მოგერინისა და სამეზობლო ურთიერთობების საკითხში ევროკომისრის იოჰანეს ჰანის განცხადებაში.

„ჩვენ ვიმუშავებთ პრეზიდენტთან და პარლამენტთან უამრავი საერთო ამოცანის გადასაჭრელად, რომლებიც ჩვენს წინაშე არსებობს“, - აღნიშნულია განცხადებაში.

განცხადებაში ასევე მოყვანილია ეუთოს მისიის შეფასება, რომელიც თურქეთის 24 ივნისის არჩევნებს აკვირდებოდა. ეუთოს შეფასებით, ამომრჩევლებს რეალური არჩევანი გააჩნდათ, მაგრამ წინასაარჩევნო კამპანიის ჩასატარებლად არათანაბარი პირობები იყო.