ოთარ კახიძე - გადასახადები თუ იგივე დარჩება, სამთავრობო ცვლილებს არანაირი აზრი არ ექნება

გადასახადები თუ იგივე დარჩება, თუ მოსახლეობის მდგომარეობა არაფრით შემსუბუქდება, რა თქმა უნდა სამთავრობო ცვლილებს არანაირი აზრი არ ექნება, - ამის შესახებ „ევროპული საქართველოს“ წევრმა ოთარ კახიძემ სამთავრობო ცვლილებებთან დაკავშირებით განაცხადა. სამთავრობო უწყებების რესტრუქტურიზაციასთან დაკავშირებით კახიძემ აღნიშნა, რომ მნიშვნელოვანია არა სამინისტროების რაოდენობა, არამედ სამთავრობო ხარჯების შემცირება,

,,მთავარი ცვლილებებში არის არა ის, რამდენი სამინისტრო იქნება, ვის მდივანს დაარქმევენ და ვის მინისტრს, არამედ ეს როგორ აისახება ჩვენი მოქალაქეების ეკონომიკურ მდგომარეობაზე. თუ გადასახადები იგივე დარჩება, თუ მათი მდგომარეობა არაფრით შემსუბუქდება, რა თქმა უნდა ამ ცვლილებებს არანაირი აზრი არ ექნება. აუცილებელია სამთავრობო ხარჯების შემცირება", - განაცხადა ოთარ კახიძემ.