ლევან ხაბეიშვილი აუდიტის სამსახურს მიმართავს და მამუკა ბახტაძის მინისტრობისას 40 ავტომობილის შესაძენად ტენდერების მიზანშეწონილობის შესწავლას ითხოვს

„ნაციონალური მოძრაობის“ წევრი ლევან ხაბეიშვილი სახელმწიფო აუდიტის სამსახურისგან მამუკა ბახტაძის ფინანსთა მინისტრობის ყოფნის პერიოდში 40 ავტომობილის შეძენაზე გამოცხადებული ორი ტენდერის მიზანშეწონილობის შესწავლას ითხოვს.

როგორც „ინტერპრესნიუსს“ ლევან ხაბეიშვილმა განუცხადა, ახალი პრემიერ-მინისტრი

მამუკა ბახტაძე აცხადებს, რომ ეყოლება მცირე მთავრობა და მომხრეა ბიუროკრატიული ხარჯების შემცირების და ამ დროს, მისი ფინანსთა მინისტრად ყოფნის პერიოდში, ბახტაძემ 11 და 15 ივნისს ტენდერის საფუძველზე ხელშეკრულება გააფორმა 40 ავტომანქანის შესაძენად, რისთვისაც 2 მლნ ლარი დაიხარჯა.

ლევან ხაბეიშვილის თქმით, ბახტაძემ 1,500 მლნ გამოყო 30 ერთეული ავტომობილის შესაძენად , ერთ ავტომანქანაში 51 ათასი ლარი გადაიხადეს. მეორე ხელშეკრულებით კი,ნახევარი მილიონი ლარით 10 ერთეული ავტომობილის შეძენა მოხდა, ერთი ერთეული ავტომობილის ღირებულებაა - 48 ათას ლარი.

„ჯამში 2 მლნ ლარს შეადგენს ის ხელშეკრულებები, რომელიც ფინანსთა სამინისტრომ გააფორმა ბიუჯეტის ხარჯზე. სახელმწიფო აუდიტმა გამოიკვლიოს, რამდენად მიზნობრივი იყო ეს ხარჯები. წინა პრემიერ- მინისტრი აცხადებდა, რომ შავი ჯიპებიდან გადმოვიდოდნენ, ფუფუნების საგნებზე უარს იტყოდნენ. ვიცით, ავტომობილებთან დაკავშირებით რასაც საუბრობენ, თუმცა, შემდგომ სხვაგვარად მოქმედებენ. ისედაც დიდია სახელმწიფოს ავტოპარკი. მისი შემცირების ნაცვლად, 2018 წლის „შკოდასა“ და „კიას“ ფირმების მარკის მინიჯიპებს ყიდულობს ფინანსთა სამინისტრო, ამ შემთხვევაში ბახტაძე, რომლის მინისტრობის დროს გამოცხადდა ეს ტენდერები“, – განაცხადა ხაბეიშვილმა.

„ნაციონალური მოძრაობის“ თბილისის საკრებულოს წევრი საკითხის შესასწავლად აპირებს შესაბამისი დოკუმენტებით ოფიციალურად მიმართოს აუდიტის სამსახურს, რამდენად მიზნობრივად დაიხარჯა 2 მლნ ლარი ავტომობილების შესაძენად და რა უცილებლობა იყო საშუალოდ 50 ათას ლარიანი ავტომობილები შეეძინათ.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა