სახალხო დამცველის, ნინო ლომჯარიას განცხადებით, ხორავას ქუჩაზე მოზარდების მკვლელობის საქმეზე პარლამენტის დროებით საგამოძიებო კომისიაში გუშინდელი ერთდღიანი დაკითხვა შედეგს ვერ აჩვენებს. როგორც ნინო ლომჯარიამ აღნიშნა, გუშინ ის შეკითხვები დაისვა, რომელიც სახალხო დამცველს პირველივე დღეებში გაუჩნდა.
ლომჯარიას აზრით, ეს შეკითხვები ლეგიტიმური იყო და ამ ეტაპზე სახალხო დამცველის აპარატი მიმდინარე გამოძიების მასალებს სწავლობს.
„ჩემი აზრით, ერთი დღის დაკითხვა რეალურ სურათს ვერ მოგვცემს, თუმცა ვფიქრობ, რომ თუნდაც გუშინდელმა დღემ მნიშვნელოვანი ხარვეზები დაადასტურა, რაც მათ შორის, გამოძიების მასალის შესწავლის შედეგად სახალხო დამცველმაც გამოავლინა," - განაცხადა ლომჯარიამ.