ირანის სამხრეთ-აღმოსავლეთ ნაწილში „ბოევიკების“ თავდასხმის შედეგად სამი მესაზღვრე დაიღუპა. ამის შესახებ ინფორმაციას ირანული საინფორმაციო სააგენტო ISNA ისლამური რევოლუციის გუშაგთა კორპუსზე დაყრდნობით ავრცელებს.

არსებული ინფორმაციით, ისლამური რევოლუციის გუშაგთა კორპუსის ძალებსა და ტერორისტებს შორის შეტაკება ირანი-პაკისტანის საზღვარზე, მირჯავას პუნქტთან მოხდა.

როგორც ირანული მედია იუწყება, შეტაკების შედეგად ლიკვიდირებულია სამი „ბოევიკი“, ხოლო ჯგუფის დანარჩენმა წევრებმა უკან დაიხიეს.

ინფორმაცია იმის შესახებ თუ რომელ რადიკალურ დაჯგუფებას მიეკუთვნებიან აღნიშნული „ბოევიკები“, არ გავრცელებულა.