პრემიერმა საპარლამენტო დემოკრატიისთვის შესაბამისი მთავრობის სტრუქტურული მოდელი წარმოადგინა და მას პარლამენტი გაიზიარებს, – ამის შესახებ საქართველოს პარლამენტის რეგიონული პოლიტიკის და თვითმმართველობის კომიტეტის თავმჯდომარემ ზაზა გაბუნიამ განაცხადა, რომელმაც კომენტარი გააკეთა საქართველოს პრემიერ- მინისტრის მიერ წარდგენილ სტრუქტურულ ცვლილებებზე.

„საპარლამენტო რესპუბლიკაში სახელმწიფო მექანიზმის ძირითად რგოლს წარმოადგენს პარლამენტი. დღევანდელ განცხადებამდე პრემიერმა იმუშავა სწორედ პარლამენტთან, მის უმრავლესობასთან და წარმოადგინა მოდელი, რომელიც კონსულტაციებზე იქნა განხილული, ამიტომ ვფიქრობ, ამ მოდელს და სტრუქტურას პარლამენტი მხარს დაუჭერს და გაიზიარებს," – განაცხადა გაბუნიამ.

მისივე თქმით, ეს მოდელი შესაბამისია საპარლამენტო დემოკრატიებისთვის, მნიშვნელოვანია, რადგან იძლევა ხარჯების დაზოგვის და შრომის ეფექტიანობის ამაღლების შესაძლებლობას.