მაია ცქიტიშვილი მივლინებაში ყოფნით ხსნის იმას, რომ თეა წულუკიანი და კახა კახიშვილი მთავრობის დღევანდელ სხდომას არ ესწრებიან

მთავრობის დღევანდელ სხდომას, რომელსაც მამუკა ბახტაძე პრემიერ-მინისტრის რანგში პირველად ხელმძღვანელობს, იუსტიციისა და სასჯელაღსრულების მინისტრები - თეა წულუკიანი და კახა კახიშვილი არ ესწრებიან. სხდომაზე მათი მოადგილეები არიან წარმოდგენილი.

როგორც რეგიონული განვითარებისა და ინფრასტრუქტურის მინისტრმა მაია ცქიტიშვილმა აღნიშნულის მიზეზებზე კომენტირებისას ჟურნალისტებს განუცხადა, თეა წულუკიანი და კახა კახიშვილი მივლინებაში იმყოფებიან.

“თეა წულუკიანი არის მივლინებაში. კახიშვილიც ასეა. ეს არავითარ კავშირში არ არის ცვლილებებთან. ბატონი სოზარიც აქ არის და ბატონი მიშა გიორგაძეც. არ ინერვიულოთ. ყველაფერი კარგად არის“, - განაცხადა ცქიტიშვილმა.

როგორც ცნობილია, პრემიერმა სხვა სტრუქტურულ ცვლილებებთან ერთად დღეს იუსტიციის და სასჯელაღსრულების სამინისტროების შერწყმა დააანონსა, თუმცა უცნობია, ვინ უხელმძღვანელებს გაერთიანებულ უწყებას.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 18.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ