თემურ ნანეიშვილი - განათლებისა და კულტურის სამინისტოების შერწყმა შესაძლებელია, რასაც სპორტის ნაწილზე ვერ ვიტყვი

აკადემიკოსი თემურ ნანეიშვილი დაანონსებულ სტრუქტურულ ცვლილებებს დადებითად აფასებს, თუმცა ფიქრობს, რომ ეს გადაწყვეტილება მარტივად შესასრულებელი ვერ იქნება. მისი აზრით, კარგი ორგანიზების შემთხვევაში, განათლებისა და კულტურის სამინისტროების შერწმა შესაძლებელია. ხოლო რაც შეეხება, სპორტის ნაწილს, აკადემიკოსის განცხადებით, ეს რადიკალურად განსხვავებული სფეროა და შესაბამისად, ამ რგოლის განათლებისა და კულტურის სექტორებთან გაერთიანება ნაკლებად შესაძლებელია.

„ჩემი აზრით, ამ სამი სფეროს შერწმის შემთხვევაში, მინისტრს შესაბამის სფეროებში კომპეტენტური მოადგილეები უნდა ჰყავდეს - ასე კიდევ შესაძლებელია. ვფიქრობ, ეს გადაწყვეტილება საბიუჯეტო ხარჯებსაც შეამცირებს, რაც ასევე კარგია. რაც შეეხება უშუალოდ სამინისტროების მიმართულებებს, განათლებისა და კულტურის სამინისტო კიდევ შესაძლებელია, რასაც სპორტზე ვერ ვიტყოდი,“ - განუცხადა „ინტერპრესნიუსს“ თემურ ნანეიშვილმა.

საქართველოს პრემიერ-მინისტრმა მამუკა ბახტაძემ სტრუქტურული ცვლილებები წარადგინა. როგორც ბახტაძემ მთავრობის ადმინისტრაციაში გამართულ ბრიფინგზე განაცხადა, სტრუქტურული ცვლილებების შედეგად დარჩება 10 სამინისტრო და 1 სახელმწიფო მინისტრის აპარატი.

მამუკა ბახტაძის მიერ დაანონსებული სტრუქტურული ცვლილებები ასეთია: კულტურისა და სპორტის სამინისტრო შეერწყმება განათლებისა და მეცნიერების სამინისტროს, სასჯელაღსრულების სამინისტრო შეერწყმება იუსტიციის სამინისტროს, ოკუპირებული ტერიტორიებიდან იძულებით გადაადგილებულ პირთა, დევნილთა და განსახლების სამინისტრო უქმდება და მისი უწყებები გადანაწილდება სამ სხვადასხვა უწყებაზე: დევნილთათვის განსახლების მიმართულება გადავა რეგიონული განვითარებისა და ინფრასტრუქტურის სამინისტროში, მიგრაციის კომპონენტს შსს შეითავსებს, ხოლო სოციალური პოლიტიკა შეუერთდება ჯანდაცვის სამინისტროს. გარდა ამისა, რელიგიის სააგენტო შეუერთდება შერიგებისა და სამოქალაქო თანასწორობის საკითხებში სახელმწიფო მინისტრის აპარატს, ეკონომიკის სამინისტროს სივრცითი განვითარების კომპონენტი კი გადავა რეგიონული განვითარებისა და ინფრასტრუქტურის სამინისტროში.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა