მომღერალ ირაკლი ნოზაძის დაჭრის ადგილთან ახლოს, სამართალდამცავებმა „ჰონდას“ მარკის ავტომობილი გაჩხრიკეს, დალუქეს და ავტოსადგომზე გადაიყვანეს

მომღერალ ირაკლი ნოზაძის დაჭრის ფაქტის საგამოძიებო მოქმედებების ფარგლებში, მიმდებარე ტერიტორიიდან სამართალდამცველებმა „ჰონდას“ მარკის ავტომობილი გაჩხრიკეს.

როგორც „ინტერპრესნიუსს“ შსს-ში განუცხადეს, ვის ეკუთვნის ავტომობილი გამოძიების ინტერესებიდან გამომდინარე ინფორმაციას ვერ გაასაჯაროებენ, თუმცა აღნიშნავენ, რომ კომპლექსური საგამოძიებო მოქმედებების ფარგლებში ჩატარებული ჩხრეკის შემდეგ ავტომობილი დაილუქა და მისი ავტოსადგომზე გადაყვანა მოხდა.

ავტომობილი, რომელსაც ჩხრეკა ჩაუტარდა, დაახლოებით იმ ტერიტორიაზე იდგა, სადაც გუშინ მომღერალი ირაკლი ნოზაძე დაჭრეს.

„ქუჩის ბიჭების“ სოლისტი ირაკლი ნოზაძე გუშინ საღამოს, წერეთლის გამზირზე დაჭრეს. მას ღუდუშაურის კლინიკაში წუხელ ოპერაცია ჩაუტარდა, რის შემდეგაც რეანიმაციულ განყოფილებაში გადაიყვანეს. ნოზაძეს ცივი იარაღით დაზიანებები გულ-მკერდის არეში აქვს მიყენებული. დანაშაულში სავარაუდო ეჭვმიტანილი ორი გოგონაა.

შსს-ში აცხადებენ, რომ ამ დრომდე საქმეზე დაკავებული არავინაა და მიმდინარეობს საგამოძიებო მოქმედებები.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს