ზვიად ფხაკაძის მტკიცებით, მ.კ. ფარდულში დავით სარალიძესთან იმ მოტივითა და მიზნით მივიდა, რომ გ.ჯ-ს დახმარებოდა და მისთვის სარალიძე მოეშორებინა

ხორავას ქუჩის საქმის პროკურორის ზვიად ფხაკაძის მტკიცებით, მ.კ. ფარდულში დავით სარალიძესთან იმ მოტივითა და მიზნით მივიდა, რომ გ.ჯ-ს დახმარებოდა და მისთვის სარალიძე მოეშორებინა.

პროკურორმა პარლამენტის დროებითი საგამოძიებო კომისიის სხდომაზე რამდენჯერმე ხაზგასმით აღნიშნა, რომ მ.კ.-ს მხრიდან ვერანაირი წინასწარ შეთანხმებასა და ჯგუფურად თანაამსრულებლობაზე საუბარი ვერ იქნება.

“გამოძიებაში არსებული და ასევე, სასამართლოზე მიცემული ჩვენებებით დასტურდება, რომ დავით სარალიძე გ.ჯ.-ს შეეჯახა, შეაგდო ის ფარდულში, შეჰყვა და შებოჭა. ამ დროს მასთან პირველი გ.ბ. მიდის და ჩვენი ვერსიით, რაც სასამართლომ არ გაიზიარა, გ.ბ დანის გამოყენებით აყენებს დაზიანებებს. ამ მოქმედებას მ.კ. ხედავს ფარდულიდან 8-9 მეტრში და მიდის ფარდულის მიმართულებით. იმ დროს, როცა გ.ბ. სარალიძეს არტყამს დანას, მ.კ. ფარდულთან მისული არ არის. ამის შემდეგ გ.ბ. ფარდულს ტოვებს და მიემართება მარცხნივ. ამ მომენტში გ.ბ.-სა და მ.კ-ს შორის ვერანაირი წინასწარ შეთანხმებაზე და ვერანაირ ჯგუფურად თანაამსრულებლობაზე საუბარი ვერ გვექნება. თანამონაწილეობის მნიშვნელოვანი შემადგენელი კომპონენტია ერთიანი განზრახვის არსებობა. ამ ორი პირის ერთიან მიზანს დავით სარალიძის მკვლელობა არ წარმოადგენდა. ის თუ რამდენად იყო შეთანხმება მ.კ-სა და გ.ჯ.-ს შორის დავით სარალიძის მკვლელობა, გამოძიების სტადიაზე და სასამართლოში მიცემული ჩვენებებით, მ.კ. მიდის, რომ დავით სარალიძე გ.ჯ.-ს მოაშოროს. გ.ჯ-ს ამ დროს დაწყებული აქვს დანით მოქმედებები. შესაბამისად, თანამონაწილეობის საერთო განზრახვა მ.კ-სა დ გ.ჯ-ს შორის სახეზე არ გვაქვს, ვინაიდან მათ შორის არათუ საერთო შეთანხება, ერთმანეთსაც ვერ ხედავენ“, - განაცხადა ზვიად ფხაკაძემ პარლამენტის საგამოძიებო კომისიის სხდომაზე.

დროებითი საგამოძიებო კომისიის სხდომა კითხვა-პასუხის რეჟიმში მიმდინარეობს. კომისიის სხდომაზე კვლავ მოწვეული არიან შსს-ს ორგანოებში გამოძიების საპროცესო ხელმძღვანელობის განყოფილების უფროსი ზვიად ფხაკაძე და შსს თბილისის პოლიციის დეპარტამენტის დეტექტივების სამმართველოს პირველი განყოფილების უფროსი კახა სირაძე.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა