ბათუმში ავარიის შედეგად ქვეითად მოსიარულე ტურისტი დაშავდა

ბათუმში ავტოსაგზაო შემთხვევის შედეგად ქვეითად მოსიარულე ტურისტი დაშავდა. ექიმების ინფორმაციით, ქალბატონს ფეხის არეში მოტეხილობა აღენიშნება. იგი ბათუმის სამედიცინო ცენტრშია მოთავსებული.

ავტოსაგზაო შემთხვევისას მსუბუქი ავტომობილი აბაშიძის ქუჩაზე ტურისტს დაეჯახა. ფაქტზე საქართველოს შინაგან საქმეთა სამინისტრომ გამოძიება "სისხლის სამართლის კოდექსის" 276-ე მუხლით დაიწყო, რაც სატრანსპორტო მიძრაობისას წესების დარღვევას გულისხმობს.