გიორგი ბირბიჩაძემ ორხევში მდებარე სოციალური საცხოვრისი და მიუსაფართა თავშესაფარი დაათვალიერა

თბილისის საკრებულოს ჯანმრთელობის დაცვისა და სოციალურ საკითხთა კომისიის თავმჯდომარე გიორგი ბირბიჩაძე, კომისიის წევრებთან ერთად ორხევის სოციალურ საცხოვრისში იმყოფებოდა, სადაც იქ მცხოვრები ბენეფიციარების საცხოვრებელ პირობებს გაეცნო, - ამის შესახებ “ინტერპრესნიუსს“ თბილისის საკრებულოდან აცნობეს.

მათი ინფორმაციით, ორხევის დასახლებაში, მუხაძის ქუჩაზე მდებარე 75 ბინიან სოციალურ საცხოვრისში ამჟამად 23 ოჯახი ცხოვრობს. გიორგი ბირბიჩაძე ლილოში მდებარე თბილისის მიუსაფართა თავშესაფარსაც ეწვია, რომელიც 240 ბენეფიციარზეა გათვლილი. საცხოვრისში ამჟამად 118 ადამიანი ცხოვრობს.

„ბენეფიციარები 24-საათიან რეჟიმში იღებენ პირველად ამბულატორიულ სამედიცინო მომსახურებას. მათ 5 სოციალური მუშაკი და საჭიროების შემთხვევაში ფსიქოლოგი ემსახურებათ,” - ნათქვამია საკრებულოს ინფორმაციაში.

კომისიის წევრებმა თბილისის მუნიციპალური თავშესაფრის დირექტორთან, გოჩა მინდიაშვილთან ერთად საცხოვრისსა და თავშესაფარში არსებული მდგომარეობის, საჭიროებებისა და სამომავლო გეგმების შესახებ ისაუბრეს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 26.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა