საქართველო 1-ელი ივლისიდან 2 სამაშველო ვერტმფრენს იქირავებს. ,,2018 წელს ზაფხულის პერიოდში, სამოქალაქო უსაფრთხოების უზრუნველყოფასთან დაკავშირებით, დამატებითი ღონისძიებების განხორციელების თაობაზე“ დღეს მთავრობის სხდომაზეც იმსჯელებს, სადაც მოხსენება გიორგი მღებრიშვილმა წარადგინა.

როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, ვერტმფრენები მულტიფუნქციური იქნება და საჭიროების შემთხვევაში ის მონაწილეობას მიიღებს როგორც სახანძრო, ასევე სამაშველო ოპერაციებში.

საგანგებო სიტუაციების მართვის სამსახური უახლოეს მომავალში ასევე გეგმავს უსაფრთხოების მონიტორინგს დრონებით. როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, იგეგმება ისეთი დრონების შემოყვანა, რომლებიც კადრში ადამიანის დაფიქსირების შემთხვევაში, კონკრეტული ლოკაციიდან შესაბამის სამაშველო სიგნალს გაუშვებს.