ხორავას ქუჩაზე მომხდარი მკვლელობის შემსწავლელი დროებითი საპარლამენტო კომისიის 3-3-კაციანი ჯგუფი 28-29 ივნისს საქმის მოწმეებს შეხვდება და მათ ახსნა-განმარტებებს მოისმენს. საუბარია პირებზე, რომლებიც ინციდენტის თვითმხილველები არიან.

კომისია მუშაობას 30 ივნისს განაახლებს. დღის პირველ ნახევარში არასამთავრობო ორგანიზაციების წარმომადგენლებს შეხვდებიან. ამავე დღეს გაიმართება შეხვედრა შს სამინისტროს წარმომადგენელ ირაკლი ფიფიასთან. ფიფია ხელმძღვანელობდა ჯგუფს, რომელიც 2017 წლის 1-ელი დეკემბრიდან საგამოძიებო მოქმედებებს ატარებდა.