თურქეთის მიერ რუსეთისგან კომპლექს „С-400“-ის შეძენა სერიოზულ დარტყმას მიაყენებს ვაშინგტონსა და ანკარას შორის ურთიერთობებს. ამის შესახებ ამერიკის სახელმწიფო მდივნის თანაშემწემ ევროპისა და ევრაზიის საკითხებში უეს მითჩელმა განაცხადა.
„ჩვენ მკაფიოდ გავაგებინეთ თურქეთს, რომ „С-400“-ის შეძენას შედეგები მოჰყვება. შემოვიღებთ სანქციებს „სანქციების დახმარებით ამერიკის მტრებისთვის წინააღმდეგობის გაწევის შესახებ“ კანონის მიხედვით“, - განაცხადა მითჩელმა სენატში გამართულ მოსმენაზე.
დიპლომატმა, ასევე, აღნიშნა, რომ საზენიტო-სარაკეტო კომპლექსთან დაკავშირებით გარიგება მაინც თუ შედგება, ვაშინგტონსა და ანკარას შორის ადრინდელი ურთიერთობის აღდგენა ძნელი იქნება.