არჩილ თალაკვაძე - საქართველოს ვაშინგტონში დღეს მეტი მეგობარი ჰყავს

საქართველოს ვაშინგტონში დღეს მეტი მეგობარი ჰყავს, - ამის შესახებ საქართველოს პარლამენტის უმრავლესობის ლიდერი არჩილ თალაკვაძე აცხადებს. თალაკვაძის თქმით, პარლამენტის თავმჯდომარის შეხვედრებს აშშ-ს კონგრესში გუნდი პოზიტიურად აფასებს.

„ირაკლი კობახიძე აშშ-ის კონგრესში თავდაცვის, უსაფრთხოების და თავისუფალი ვაჭრობის საკითხებზე საქართველოს ინტერესებს წარმოადგენს და მოლაპარაკებებს მართავს. ამერიკელ კოლეგებთან მოქმედი პარლამენტის თანამშრომლობა ძლიერდება, საქართველოს დღეს ჰყავს მეტი მეგობარი ვაშინგტონში. პარლამენტის თავმჯდომარის შეხვედრებს აშშ-ს კონგრესში გუნდი პოზიტიურად აფასებს“, - განაცხადა არჩილ თალაკვაძემ.