მაიკ პენსი - თუ აშშ-ში ლეგალურად ჩამოსვლა არ შეგიძლიათ, მაშინ საერთოდ არ ჩამოხვიდეთ

თუ აშშ-ში ლეგალურად ჩამოსვლა არ შეგიძლიათ, მაშინ საერთოდ არ ჩამოხვიდეთ, - ამის შესახებ აშშ-ს ვიცე-პრეზიდენტმა მაიკ პენსმა ბრაზილიის პრეზიდენტთან მიშელ ტემერთან გამართულ ერთობლივ პრესკონფერენციაზე განაცხადა.

„მინდა მკაფიოდ განვაცხადო. კაცობრიობის ისტორიაში აშშ მიგრანტებისთვის ყველაზე კეთილმოსურნე სახლი იყო. ჩვენ ვამაყობთ ამ მემკვიდრეობით. მაგრამ ჩვენ ასევე ვამაყობთ იმით, რომ კანონმორჩილი ერი ვართ, რომლის საერთაშორისო საზღვრებს პატივს სცემენ“, - განაცხადა აშშ-ს ვიცე-პრეზიდენტმა.

მაიკ პენსმა მიგრანტებს ასევე მოუწოდა, რისკის ქვეშ არ დააყენონ თავიანთი და თავიანთი შვილების სიცოცხლე აშშ-ში არალეგალურად ჩასვლის მცდელობით.

„რისკის ქვეშ ნუ დააყენებთ თქვენს და თქვენი ბავშვების სიცოცხლეს, როდესაც აშშ-ში შემოსვლას ცდილობთ იმ გზით, რომელზეც ბატონობენ ნარკოკონტრაბანდისტები და ადამიანებით მოვაჭრეები. თუ აშშ-ში ლეგალურად არ შეგიძლიათ ჩამოხვიდეთ, მაშინ საერთოდ არ ჩამოხვიდეთ“, - აღნიშნა მაიკ პენსმა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა