გარემოს დაცვისა და სოფლის მეურნეობის მინისტრის მოადგილე იაპონიის ელჩს შეხვდა

გარემოს დაცვისა და სოფლის მეურნეობის მინისტრის მოადგილე ნინო თანდილაშვილი იაპონიის ელჩს ტადაჰარუ უეჰარას შეხვდა.

როგორც „ინტერპრესნიუსს“ გარემოს დაცვისა და სოფლის მეურნეობის მინისტროდან აცნობეს, შეხვედრაზე, მხარეებმა იაპონიის „არასაპროექტო საგრანტო დახმარების“ ფარგლებში განხორციელებული სამუშაოები განიხილეს და სამომავლო თანამშრომლობაზე შეთანხმდნენ.

იაპონიის მთავრობის მიერ გამოყოფილი გრანტის ფარგლებში გარემოს ეროვნულ სააგენტოს ოთხი ერთეული მდინარის წყლის დონის მზომი სადგური და 2 ერთეული ავტომატური საზღვაო მეტეოროლოგიური სადგური გადაეცა.

მდინარის წყლის დონის მზომი სადგურები დასავლეთ საქართველოს მდინარეებზე (ნატანები, ხობისწყალი, ჟუჟა, გუბაზეული) დამონტაჟდა, ხოლო საზღვაო ავტომატური მეტეოროლოგიური სადგურები ქალაქ ბათუმისა და ქალაქ ფოთის საზღვაო ნავსადგურებში განთავდა.

უწყების ინფორმაციით, დასავლეთ საქართველოში დამონტაჟებული უახლესი მოწყობილობები, ხელს შეუწყობს გარემოს ეროვნული სააგენტოს ჰიდრომეტეოროლოგიური მონიტორინგის ქსელის გაფართოებას, პროგნოზების ხარისხის გაუმჯობესებას და ადრეული გაფრთხილების სისტემის სრულყოფას.

„მოხარული ვარ დღევანდელი შეხვედრით, გარემოსდაცვითი საკითხები ძალიან მნიშვნელოვანია საქართველოსთვის და არა მხოლოდ საქართველოსთვის არამედ იაპონიისთვის და მთლიანად საერთაშორისო თანამეგობრობისთვის. აღსანიშნავია, რომ კლიმატის ცვლილება ბუნებრივ კატასტროფებს იწვევს. ჩვენ სურვილს გამოვთქვავთ, რომ საქართველომ და იაპონიამ ერთად განავითაროს ეკოლოგიურად მეგობრული საზოგადოება“, – განაცხადა იაპონიის ელჩმა ტადაჰარუ უეჰარამ.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს