საფრანგეთის განვითარების სააგენტო ხაშურის წყალმომარაგებისა და წყალარინების პროექტებს დააფინანსებს

რეგიონული განვითარების და ინფრასტრუქტურის სამინისტროს ინფორმაციით, ხაშურში წყლის ინფრასტრუქტურის განვითარების მხარდასაჭერად გარკვეული ინვესტიციის განხორციელება იგეგმება.

როგორც “ინტერპრესნიუსს“ რეგიონული განვითარების და ინფრასტრუქტურის სამინისტროდან აცნობეს, აღნიშნული საკითხის განხილვა იყო საფრანგეთის განვითარების სააგენტოს (AFD) სამხრეთ კავკასიის პროექტების ხელმძღვანელთან ჟან-ბატისტ დიუმესთან შეხვედრის მთავარი თემა.

უწყების პრესსამსახურის ცნობით, AFD-ის წარმომადგენლებთან გამართულ შეხვედრაზე, გაერთიანებული წყალმომარაგების კომპანიის დირექტორმა, ეკატერინე გალდავამ, მოადგილეებთან, ზაზა სიხარულიძესთან და ირაკლი ურუშაძესთან ერთად, ქალაქის წყალმომარაგებისა და წყალარინების სისტემების რეაბილიტაციის და წყალარინების გამწმენდი ნაგებობის მშენებლობის პროექტებსა და დაფინანსების საკითხზე ისაუბრა.

“ფრანგული მხარე, არსებული ვითარების გასაცნობად, ხაშურში რამდენჯერმე იმყოფებოდა. მისიის ფარგლებში, შეფასდა საპროექტო სამუშაოების პროგრესიც.

გაეროს მდგრადი განვითარების მიზნების შესაბამისად, AFD სხვადასხვა მიმართულებით მუშაობს. მათ შორის, წყალმომარაგების სექტორში. სააგენტო 108 ქვეყანაში 2 500-ზე მეტი პროექტის ფინანსურ მხარდაჭერას უზრუნველყოფს“, - ნათქვამია სამინისტროს ინფორმაციაში.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს