სოფიო კილაძე - პრემიერმა განაცხადა, რომ განახლებულ გუნდში ახალი სახეები იქნებიან, ბუნებრივია, ეს მნიშვნელოვანია იმისთვის, რომ ახალი ენერგია შემოვიდეს გუნდში

პარლამენტის ადამიანის უფლებათა დაცვის კომიტეტის თავმჯდომარის, სოფიო კილაძის განცხადებით, ახალი მინისტრთა კაბინეტის წევრებზე პერსონალურად გუნდში მსჯელობა არ ყოფილა. როგორც სოფიო კილაძემ ჟურნალისტებს განუცხადა, პრემიერმა აღნიშნა, რომ ახალ კაბინეტში ახალი სახეები იქნებიან.

„პრემიერმა განაცხადა, რომ ახალი სახეები იქნებიან განახლებულ გუნდში. ბუნებრივია, ეს მნიშვნელოვანია იმისთვის, რომ ახალი ენერგია და ახალი სისხლი შემოვიდეს ჩვენს გუნდში. რაც შეეხება პერსონალიებს, ესეც არის მამუკა ბახტაძის ექსკლუზიური უფლება, თავად დაასახელოს კონკრეტული მინისტრობის კანდიდატები, რომელსაც ის განახლებულ გუნდში ხედავს. ჯერჯერობით, გუნდში პერსონალიებზე არ გვიმსჯელია, თუმცა ვფიქრობ, რომ მამუკა ბახტაძე ამ საკითხს გაივლის ჩვენთან, ვიდრე შემოიყვანს ახალ კაბინეტს“,- განაცხადა სოფიო კილაძემ.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 20.08.2019
გავლენის ოპერაციები ანუ „მკვლელობათა ჯაჭვი“