ექიმი - ირაკლი ნოზაძის მდგომარეობა სტაბილურია, მოხსნილია მართვითი სუნთქვის აპარატიდან, ადეკვატური და კონტაქტურია

პაციენტის მდგომარეობა აბსოლუტურად სტაბილურია, მოხსნილია მართვითი სუნთქვის აპარატიდან, - ამის შესახებ "ღუდუშაურის კლინიკის" გენერალური დირექტორის მოადგილემ, მარინა გელანტიამ მომღერალ ირაკლი ნოზაძის ჯანმრთელობის მდგომარეობის შესახებ საუბრისას განაცხადა.

"მე მესმის საზოგადოების ინტერესი პაციენტის ჯანმრთელობის მდგომარეობასთან დაკავშირებით. შემიძლია დაბეჯითებით გითხრათ, რომ ამ დროისთვის პაციენტის მდგომარეობა აბსოლუტურად სტაბილურია, მოხსნილია მართვითი სუნთქვის აპარატიდან, ადეკვატური და კონტაქტურია. მიმდინარეობს ინტენსიური მონიტორინგი რეანიმაციულ განყოფილებაში", - განაცხადა მარინა გელანტიამ.

ექიმის თქმით, ჯერჯერობით პაციენტის დაკითხვის საჭიროებას ვერ ხედავს, თუმცა აცხადებს, რომ ეს საკითხი მისი გადასაწყვეტი არაა.

"ეს ჩემი გადასაწყვეტი არ არის. ზოგადად, ამ წუთისთვის მისი მდგომარეობა საყურადღებოა. ჯერ რეანიმაციულ განყოფილებაშია და არამგონია, მისი დაკითხვა საჭიროებას წარმოადგენდეს. ოჯახის წევრების შეშვების ვალდებულება გვაქვს, სხვა არავინ შესულა", - განაცხადა გელანტიამ.

„ქუჩის ბიჭების“ სოლისტი ირაკლი ნოზაძე წერეთლის გამზირზე ორი დღის წინ დაჭრეს. მას ღუდუშაურის კლინიკაში ოპერაცია ჩაუტარდა.

შინაგან საქმეთა სამინისტრომ მომღერლის დაჭრის ფაქტზე გუშინ ორი გოგო დააკავა.

ბრალდებულები მოსკოვის გამზირზე მდებარე ერთ-ერთ საერთო საცხოვრებელში დააკავეს. მომხდარზე გამოძიება სსკ-ს 19-108-ე მუხლით და 376-ე მუხლით მიმდინარეობს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს