სოფიო კილაძე - დაუშვებელია, სახალხო დამცველის ოფისმა იმ ქვეყანაში ფუნქციონირება შეწყვიტოს, სადაც ვამბობთ, რომ ადამიანის უფლებები უმაღლეს რანგშია აყვანილი

დაუშვებელია, სახალხო დამცველის ოფისმა იმ ქვეყანაში ფუნქციონირება შეწყვიტოს, სადაც ვამბობთ, რომ ადამიანის უფლებები უმაღლეს რანგშია აყვანილი, - ამის შესახებ პარლამენტის ადამიანის უფლებათა დაცვის კომიტეტის თავმჯდომარე სოფიო კილაძემ განაცხადა. სოფიო კილაძე შესაბამის სტრუქტურებს მოუწოდებს, სახალხო დამცველის ოფისის თაობაზე ღირსეული რეაგირება მოახდინოს.

მისივე თქმით, რამდენიმე თვის წინ, სახალხო დამცველის ოფისთან დაკავშირებით ყოფილ ფინანსთა და ეკონომიკის მინისტრებთან კონსულტაციები გამართა.

"საუბარი იყო იმაზე, რომ ფართი უნდა გამოყოფილიყო, რადგან დიდი ხანია, ეს შენობა ავარიულ მდგომარეობაშია. მაშინ კონკრეტულ ფართზე შეთანხმება ვერ მოხერხდა, რადგან სახალხო დამცველისთვის ადგილმდებარეობა არ იყო მოსახერხებელი. ახლა კი, სახალხო დამცველმა ფუნქციონირება შეწყვიტა. შესაბამის სტრუქტურებს მოვუწოდებ, რომ ამაზე რეაგირება ღირსეულად გააკეთონ, რადგან დაუშვებელია, სახალხო დამცველის ოფისმა იმ ქვეყანაში ფუნქციონირება შეწყვიტოს, სადაც ვამბობთ, რომ ადამიანის უფლებები უმაღლეს რანგშია შეყვანილი. მნიშვნელოვანია, სახალხო დამცველს მუშაობისთვის ადეკვატური გარემო ჰქონდეს, რათა ადამიანის უფლებები დაიცვას" , - განაცხადა სოფიო კილაძემ.

შეგახსენებთ, სახალხო დამცველის აპარატი დროებით სამუშაო პროცესს აჩერებს. როგორც „ინტერპერსნიუსს“ სახალხო დამცველის აპარატიდან აცნობეს, აღნიშნულის მიზეზი სახალხო დამცველის აპარატის შენობის ავარიულობაა.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან