ცესკოს თავმჯდომარე - საპრეზიდენტო არჩევნებისთვის ბიუჯეტიდან 39 მილიონი ლარია გათვალისწინებული

საქართველოს საპრეზიდენტო არჩევნებისთვის ბიუჯეტიდან 39 მილიონი ლარია გათვალისწინებული. ამის შესახებ ჟურნალისტებს ცენტრალურ საარჩევნო კომისიის თავმჯდომარემ თამარ ჟვანიამ განუცხადა.

მისივე თქმით, აღნიშნული თანხა სხვადასხვა მიმართულებებისთვის არის გათვალისწინებული. კერძოდ, გათვალისწინებულია საარჩევნო ადმინისტრაციის, საუბნო კომისიების წევრების ანაზღაურების, ასევე პოლიტიკური პარტიების წარმომადგენელთა დაფინანსების, სატელევიზიო ეთერში პარტიების რეკლამებისთვის, სხვადასხვა სახის ტრენინგებისთვის ხარჯები.

„საპრეზიდენტო არჩევნების ჩასატარებლად მომზადება დიდი ხანია დაწყებული გვაქვს, უკვე ძალიან ბევრი უნარებისა და შესაძლებლობების განვითარების ტრენინგები ჩავუტარეთ საოლქო საარჩევნო კომისიებს, ასევე იურისტების ტრენინგი მიმდინარეობს, ამავდროულად ჩვენ ძალიან ბევრ საგანმანათლებლო პროექტს ვახორციელებთ ახალგაზრდებისთვის და ვფიქრობთ, რომ ამ არჩევნებს უფრო მეტად მომზადებული შევხვდებით, ვიდრე აქამდე“, - განაცხადა თამარ ჟვანიამ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს