სოფიო ქაცარავა - ე.წ. ოთხოზორია-ტატუნაშვილის სიასთან დაკავშირებით მიმდინარე პროცესის მიმართ ადეკვატურები და რეალისტურები უნდა ვიყოთ

ე.წ. ოთხოზორია-ტატუნაშვილის სიასთან დაკავშირებით მიმდინარე პროცესის მიმართ ადეკვატურები და რეალისტურები უნდა ვიყოთ, - ამის შესახებ პარლამენტის საგარეო ურთიერთობათა კომიტეტის თავმჯდომარემ, სოფიო ქაცარავამ პარლამენტის სხდომაზე სიტყვით გამოსვლისას განაცხადა.

მისივე თქმით, ოპონენტების მხრიდან პოლიტიკურად ანგაჟირებული განცხადებები კეთდება და ეს არავის ინტერესში არ უნდა შედიოდეს.

“მოვისმინეთ განცხადებები ჩვენი ოპონენტების მხრიდან. ვფიქრობ, ყველამ კარგად იცის, რომ ამ მოცემულობისადმი სიმძაფრის განცდა არავის არ აკლია. ყველას ინტერესშია, რომ მოხდეს ამ სიის ეფექტიანი განხორციელება. ეს არის ჩვენი ხელისუფლების მიზანი. ჩვენ გავაკეთეთ და ვაკეთებთ მაქსიმუმს იმისთვის, რომ ეს პროცესი სწრაფად წარიმართოს. ვთვლი და ჩემი დიდი სურვილი იქნება, რომ ამ პროცესის მიმართ ყველას ჰქონდეს ადეკვატური და რეალისტური მიდგომა იმისთვის, რომ პროცესი წარიმართოს სწორად და მაქსიმალური შედეგი მივიღოთ, რათა ჩვენი მოლოდინები გამართლდეს. მოვისმინე საკმაოდ პოლიტიკურად ანგაჟირებული განცხადებები და ეს არავის ინტერესში არ უნდა იყოს. ამ პროცესის მიმართ ადეკვატურები უნდა ვიყოთ და ხელისუფლება აუცილებლად გაგრძელებს მუშაობას საერთაშორისო საზოგადოებასთან ამ საკითხზე“, - განაცხადა სოფიო ქაცარავამ.

„ოთხოზორია-ტატუნაშვილის სია“ პარლამენტში გუშინ შევიდა.

ოთხოზორია-ტატუნაშვილის 33-პირიან სიაში შემდეგი ადამიანები არიან შეყვანილი: 1. დავით ჯემალის ძე გურწიევი; 2. ალიკ ფიროდის ძე ტაბოევი; 3. რაშიდ კანჯიოღლი; 4. სლავის სვიატოსლავის ძე ბადია; 5. რაულ მახტის ძე კორტავა; 6. ზაურ ანდროს ძე ჭითანავა; 7. ციბრონა (ეკა) ახალაია; 8. ოთარ ტურნანბა; 9. ალიკა წაბრია; 10. რუსლან დომენტის ძე ჯოპუა; 11. როზა ჯოჯოს ასული მირცხულავა; 12. დიმიტრ არშბა; 13. ვლადიმერ გუნია; 14. ალხაზ მირცხულავა; 15. გია ტუჟბა; 16. გენრიხ გენრიხის ძე ჭანბა; 17. ვლადიმერ გრიგოლის ძე ანუა; 18. ზაურ ცეცხლაძე იგივე მიხეილ თარბა; 19. გენადი ბაგრატის ძე აშხაცავა; 20. გელა ალეკოს ძე ვანაჩა; 21. ოთარ ფალავანძია; 22. ოლეგ პაპასკირი; 23. აფრიკან ბგანბა; 24. ვახტანგ უბირია; 25. ვლადიმერ ემინის ძე ნაჩაჩ-ოღლი; 26. შურიკ (ალექსანდრე) კოკოსკერია; 27. ლევ სარდინოის ძე ბიჩენოვი; 28. გია თუაევი; 29. ფისო ივანეს ძე ვაზაგოვი; 30. თამაზ ოთარის ძე ბესტაევი; 31. რამჩიკ ედიკას ძე ფუხაევი; 32. არკადი ოთარის ძე ძერანოვი; 33. ზურაბ თენგიზის ძე დუდაევი.

აღნიშნული პირები ოკუპირებულ ტერიტორიებზე საქართველოს მოქალაქეთა მკვლელობაში, გატაცებაში, წამებასა და არაჰუმანურ მოპყრობაში, ჯანმრთელობის მძიმე დაზიანებაში, აგრეთვე ამ დანაშაულთა დაფარვაში არიან ბრალდებულები და მსჯავრდებულები.

თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
ქართული პრესის მიმოხილვა 17.10.2019
ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
აჭარული სოფლები და მთები, როგორც ოთხივე სეზონის ტურისტული პროდუქტი
რატომ და რამდენით შემცირდა საკრედიტო ბარათების საპროცენტო განაკვეთი საქართველოში
კომპანია „ჰიდროდიაგნოსტიკამ“ ჟინვალჰესის ადრეული შეტყობინების პროექტზე მუშაობა დაასრულა და სატესტო რეჟიმში გაუშვა
„ვენდიმ“ „რაგბი მენიუს“ გათამაშების პირველი ნაკადის გამარჯვებული რაგბის გულშემატკივრები დააჯილდოვა
პროექტი „სტარტაპ ანბანი“ "ტერაბანკის" მხარდაჭერით გრძელდება