ზურაბ ჭიაბერაშვილი - ისევე როგორც კვირიკაშვილმა ვერ დაზოგა თანხები სტრუქტურული ცვლილებებით, ასევე ვერ დაზოგავს ბახტაძეც

ისევე როგორც კვირიკაშვილმა ვერ დაზოგა თანხები სტრუქტურული ცვლილებებით, ასევე ვერ დაზოგავს ბახტაძეც, - ამის შესახებ პარლამენტის სხდომაზე „ევროპული საქართველოს“ წევრმა ზურაბ ჭიაბერაშვილმა განაცხადა. მისი თქმით, ისევე როგორც ბიძინა ივანიშვილის ყველა კაბინეტი, წარუმატებელი იქნება მამუკა ბახტაძის კაბინეტიც.

„ჯერ კიდევ როდესაც კვირიკაშვილმა წარმოადგინა ახალი მთავრობა და მთავრობის რესტრუქტურიზაციის გეგმა, მაშინაც იყო ხსენებული თავად მამუკა ბახტაძის მიერ ტერმინი - მცირე მთავრობა, თუმცა ისევე როგორც დღეს, მაშინაც, მცირე მთავრობის იდეა არასწორად იქნა ინტერპრეტირებული ბატონი ბახტაძის მიერ. მცირე მთავრობა არ ნიშნავს უბრალოდ ბიუროკრატიის შემცირებას, მცირე მთავრობა არ ნიშნავს სამინისტროების რაოდენობაზე დავას. მცირე მთავრობა ნიშნავს ნაკლებგადასახადს, ნაკლებ რეგულირებას, როდესაც მთავრობა ადამიანთა ცხოვრებასა და ეკონომიკაში, ნაკლებად ერევა. ისევე როგორც კვირიკაშვილმა ვერ დაზოგა თანხები სტრუქტურული ცვლილებებით, ასევე ვერ დაზოგავს ბახტაძეც“, - განაცხადა ჭიაბერაშვილმა.

მისივე თქმით, მოქალაქეებს არაფერს ეუბნება 3.9% ადმინისტრაციული ხარჯი მშპ-სთან და ადამიანურ ენაზე ამ რიცხვებით ჟონგლიორობა ნიშნავს ერთ რამეს - წელს მთავრობა არ აპირებს რამე მოიკლოს საკუთარი ჯიბიდან.

„სინამდვილეში, გასაკეთებელია გადასახადების შემცირება და უნდა გადალაგდეს ბიუჯეტი ისე, რომ უარი ითქვას ბევრ უყაირათო პროგრამაზე. ამ ყველაფრის გაკეთებას უნდა პოლიტიკური ნება, თუმცა ამ შემთხვევაში თქვენ უნდა გაანაწყენოთ საკუთარი პოლიტიკურ აქტივი, უმიზნო და უყაირათო პროგრამებზე მიბმული ბიზნესები, რომლებიც ისევ თქვენთან რიცხავენ ფულს. თუმცა, არ არის ამის გამკეთებელი ბატონი ბახტაძე და ამიტომ, შეუძლებელია „ქართული ოცნების“ ხელში არ გაგრძელდეს სახელმწიფო ინსტიტუტების რღვევა, თუმცა გაგრძელდება ფასების ზრდა და ვერ დაიძლევა სიღარება და უმუშევრობა“, - აღნიშნა ჭიაბერაშვილმა.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)