მამუკა ბახტაძე - გვჭირდება პრინციპულად განსხვავებული ეკონომიკური მოდელი, სადაც განათლებას დომინანტი პოზიცია ექნება

გვჭირდება პრინციპულად განსხვავებული ეკონომიკური მოდელი, სადაც განათლებას დომინანტი პოზიცია ექნება, - ამის შესახებ საქართველოს პრემიერ-მინისტრმა, მამუკა ბახტაძემ სამეგრელოში, ზუგდიდის ბოტანიკურ ბაღში ადგილობრივ ახალგაზრდებთან შეხვედრისას განაცხადა.

მთავრობის მეთაურმა განათლების სისტემის რეფორმაზე გაამახვილა ყურადღება და აღნიშნა, რომ საქართველოში თითოეულმა ახალგაზრდამ უნდა შეძლოს საკუთარი პოტენციალის რეალიზება.

“სიღარიბის დამარცხება, ეს არის ძალიან მნიშვნელოვანი და ჩვენ ამას აუცილებლად გავაკეთებთ, მაგრამ ერთი რამ უნდა გვესმოდეს - თუ ჩვენ გვინდა ისეთივე განვითარებული ეკონომიკა გვქონდეს, როგორსაც ჩვენ ევროპის ბევრ ქვეყანაში ვხედავთ, ამისთვის პრინციპულად განსხვავებული ეკონომიკური მოდელი გვჭირდება. ეს არის მოდელი, სადაც თქვენი კონტრიბუცია იქნება წამყვანი და სადაც განათლებას ექნება დომინანტი პოზიცია. ყველა ახალგაზრდამ უნდა შეძლოს თავისი თავის რეალიზაცია ჩვენივე სამშობლოში, საქართველოში. თუ ჩვენ შევძლებთ და მოვახერხებთ იმას, რომ, ორნიშნა ციფრი იყოს ჩვენს ეკონომიკაში განათლების სექტორი, ანუ მთლიანი შიდა პროდუქტის დაახლოებით 10%, ეს იმას ნიშნავს, რომ ჩვენ შემდეგი გრძელვადიანი პერსპექტივის, ათეული წლების განმავლობაში აუცილებლად შევალთ განვითარებული ეკონომიკის მქონე ქვეყნების სიაში“, - განაცხადა მამუკა ბახტაძემ.

პრემიერმა წლევანდელ კურსდამთავრებულებს ცხოვრების მნიშვნელოვანი ეტაპის დასრულება მიულოცა და მათ მომავალ საქმიანობაში წარმატება უსურვა.

„მე ძალიან მიხარია, როდესაც მესმის ბევრი წარმატებული ახალგაზრდის საქმიანობის შესახებ საზღვარგარეთ, მაგრამ ჩვენ უნდა გავაკეთოთ ყველაფერი, იმისთვის, რომ ასეთი შესაძლებლობები შევქმნათ საქართველოში. იმისთვის, რომ არ მოგვიწიოს წასვლა საკუთარი თავის თვითრეალიზაციისა და პოტენციალის რეალიზაციისა საზღვარგარეთ“, - მიმართა პრემიერმა ახალგაზრდებს.

ინფორმაციას მთავრობის ადმინისტრაციის პრესსამსახური ავრცელებს.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“