ბოლშევიკების გადაწყვეტილება, საქართველოსთვის ოსეთის აღმოსავლეთ ნაწილი გადაეცათ, უკანონოა და ანექსიას წარმოადგენს, - ამის შესახებ ოკუპირებული სამხრეთ ოსეთის დე ფაქტო საგარეო უწყებაში განაცხადეს.
განცხადებაში აღნიშნულია, რომ „აღმოსავლეთ ოსეთი სამხრეთ ოსეთის საზღვრებს გარეთ აღმოჩნდა და საქართველოს მხრიდან ექსპანსიას დაექვემდებარა“.
„საბჭოური საქართველოს მხრიდან ოსეთის აღმოსავლეთ ნაწილის ანექსიაზე საუბარი აუცილებელია. ბოლშევიკებმა თრუსოს და კობის ხეობები ოსი ხალხის სურვილის გარეშე ახლად შექმნილ საქართველოს სსრ-ს გადასცეს. ოსეთის ტერიტორიის გარეთ ასევე აღმოჩნდა დუშეთის რაიონში ოსებით კომპაქტურად დასახლებული ადგილები“, - აღნიშნეს დე ფაქტო საგარეო უწყებაში.
დე ფაქტო საგარეო საქმეთა სამინისტროში ასევე განაცხადეს, რომ „ოსები არასოდეს აღიარებენ 1921 წელს ბოლშევიკების მიერ მიღებულ არალეგიტიმურ გადაწყვეტილებას“.