მარნეულში 200 ერთეული ნარჩენების ურნა განთავსდება

მარნეულის მუნიციპალიტეტში, უახლოეს დღეებში, ევროსტანდარტების შესაბამისი, გერმანული წარმოების პლასტმასის 1 100-ლიტრიანი, საყოფაცხოვრებო ნარჩენებისთვის განკუთვნილი ურნები განთავსდება, - ამის შესახებ „ინტერპრესნიუსს“ მარნეულის მერიიდან აცნობეს.

მათივე ინფორმაციით, ურნები მუნიციპალიტეტს საქართველოს მყარი ნარჩენების მართვის კომპანიამ გადასცა, რომელსაც მუნიციპალური შპს „სუფთა მარნეული“ იმ ლოკაციებზე განათავსებს, სადაც ამ ეტაპისთვის ყველაზე მეტი მოთხოვნა და საჭიროებაა.

„აღსანიშნავია, რომ ტურისტული სეზონის მოახლოებასთან ერთად, საქართველოს სხვადასხვა რეგიონი მსგავსი ურნით ეტაპობრივად აღიჭურვება, რაც რეგიონებსა და ტურისტულ ზონებში დასუფთავების სერვისის, ეკოლოგიური და საცხოვრებელი პირობების გაუმჯობესებას ხელს შეუწყობს.

ამ ეტაპისთვის მარნეულს, 200 ერთეული ნაგვის ურნა გადაეცა“, -ნათქვამია ინფორმაციაში.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა