პარლამენტის პლენარული სხდომის წამყვანმა, პარლამენტის ვიცე-სპიკერმა ზვიად ძიძიგურმა იმედი გამოთქვა, რომ საფეხბურთო ჩემპიონატის მიმდინარეობის მიუხედავად, დეპუტატები კენსჭისყრისთვის სხდომათა დარბაზში შეიკრიბებიან. განსახილველ საკითხებზე კენჭისყრა 19:00 საათისთვის დაინიშნა.

“იმის მიუხედავად, რომ საფეხბურთო ჩემპიონატი თავის გადამწყვეტ ფაზაშია შესული, ვიცი, რომ დეპუტატები აქტიურად უყურებენ საპარლამენტო სხდომებს. ამიტომ მინდა ყველას ვთხოვო, 19:00 საათისთვის სხდომათა დარბაზში შევიკრიბოთ“, - განაცხადა ძიძიგურმა დღის წესრიგით გათვალისწინებული საკითხების განხილვის დასრულებისას.

აღსანიშნავია, რომ საკანონმდებლო ინიციატივების განხილვა თითქმის ცარიელ დარბაზში გაიმართა.